نشر محمد ثروت صورة للفنان الراحل سمير غانم وعلق قائلًا: اليوم الذكرى الرابعة على رحيل الأستاذ سمير غانم، ربنا يرحمه ويسكنه فسيح جناته ويفرح روحه .. الأستاذ سمير غانم على المستوى الفني شكل وجداني وتفكيري في فن الكوميديا وأسلوب الارتجال كنوع من خلق فرص جديدة في النص الفني لإضحاك الجمهور وفن استخدام الإكسسوار لتأكيد ملامح الشخصية .. باختصار هو الـGodfather.

تابع: وعلى المستوى الإنساني علمني حاجات حلوة كتير لأنه كان إنسان جدًا ومحب لكل الناس والناس كلها بتحبه لإنه كان قلبه أبيض وكان يفرح لما تلميذه يقول جنبه إفيه كوميدي حلو أستاذ بمعنى الكلمة ومن الأشخاص اللي عمرك ما تزهق ولا تشبع من القعدة معاه.

أضاف: حبيبي يا أستاذ وحشتنا جدًا، وحاسين إنك لسه معانا بصوتك وصورتك وروحك في كل أعمالك ولقاءاتك .. ربنا يرحمك .. تلميذك المحب.

يمكنك مشاركة الخبر علي صفحات التواصل