أشاد محمد الدماطي عضو مجلس إدارة النادي الأهلي، بدور جماهير المارد الأحمر في مباراة إنتر ميامي في افتتاح كأس العالم للأندية، ويستعرض موقع تحيا مصر التفاصيل.

رسالة محمد الدماطي

وكتب محمد الدماطي في رسالته عبر فيس بوك، قدر الله وماشاء فعل وربنا يكرم في اللي جاي إن شاء الله لكن نقطتين مهمين جدا قبل اي شيء، والنقطة الاولي لقطة إمبارح  هي peak النادي الاهلي كعالمية واسم وشهرة.

وزاد محمد الدماطي، تتويج لمجهود متعاقب من ١٩٠٧ لحد النهاردة، الجزء الأعظم من اللقطة دي نتيجة اجتهاد و تخطيط ، وجزء منها توفيق إننا نكون جزء من المباراة الافتتاحية لبطولة بتقام لأول مرة وأمام فريق يمتلك اللاعب الأعظم في التاريخ.

وأكمل محمد الدماطي، اعتقد من النهاردة شغل منظومة الاهلي هيبقي ازاي نوصل لpeak جديد وإمتي، والنقطة التانية هي جمهور الاهلي اللي كان موجود في الملعب، متعودين نشوف ملاعب متقفلة في الخليج.

وأشار محمد الدماطي، لكن إن علي الأقل ٧٠٪ من سعة الملعب إمبارح تبقي من جماهير الأهلي ده شيء خيالي، وميامي مش مكان تجمع مصريين كتير.

واستكمل محمد الدماطي، كمية العشق من جمهور موجود في امريكا علي بُعد الاف الأميال للنادي اللي بيحبوه هو شيء من ورا العقل ، أنا شوفت عائلات عايشة من ٤٠ سنة في أمريكا وولادهم بيتكلموا عربي مكسر و مع ذلك كلة جاي يشجع الاهلي من قلبة.

واختتم محمد الدماطي تصريحاته، اللي حصل حقيقي كان ملحمة جماهيرية، الأهلي هيفضل طول عمرة بخير بفضل جمهوره، أعظم جمهور في العالم بلا منافس.

موعد مباراة الأهلي وبالميراس البرازيلي في كأس العالم للأندية

تقام مباراة الأهلي وبالميراس البرازيلي في كأس العالم للأندية يوم الخميس المقبل في تمام السابعة مساء، ويستضيف ملعب ميت لايف في نيوجيرسي مباراة الأهلي وبالميراس البرازيلي في كأس العالم للأندية.

القناة الناقلة لمباراة الأهلي وبالميراس البرازيلي في كأس العالم للأندية

تبث مباراة الأهلي وبالميراس البرازيلي في كأس العالم للأندية في الجولة الثانية عبر أم بي سي مصر وبتعليق فارس عوض ومدحت شلبي.