قالوا تحبه؟ قلت حبّه في الأعماق
روحي وما أملك، يا عساها فدً له

طاري سموّه، لا طرى خاطري راق
لو إن همّي عاجزٍ عنه اشِلّه

حلمه سما، شفْ رؤيته بين الآفاق
عسى سنينه بالسعد مستهله

ما كنه إلا الشمس في وقت الإشراق
تغزي دياجير الظلام وتحلّه

وما كنه إلا في السما لمع برّاق
ناسٍ تهاب وناسٍ في حرْوةٍ له

وما كنه إلا راميٍ راكز الساق
نيشان ما يخطي، رصاصه محلّه

سيفٍ على الباغي، وللدار الأرزاق
هيبة ملك، من قبل سيفه يسله

بينه وبين الشعب تصنيف عشّاق
هم في وسط قلبه، وهو الحب كلّه

ما كنه إلا للكرم نبعٍ دفّاق
يروي غصونٍ ما رجاها تضلّه

لو بأوصفه ما كفّت الحبر والأوراق
لو الهدف نجم الثريا وصله

هذا ابن سلمان المحمّد وله لاق
أخذ التحيّه، يا عساها هنًّ له