عبّرت النجمة المصرية الكبيرة لبلبة عن حبها الشديد واعتزازها العميق بالزعيم عادل إمام، مؤكدة أنه يمثل ظاهرة فنية استثنائية لن تتكرر في تاريخ الفن المصري والعربي.

وقالت الفنانة لبلبة في تصريحات لها أثناء تكريمها بمهرجان أسوان الدولي لأفلام المرأة: عملت مع عادل إمام 14 فيلما، منها 3 ماكنّاش باينين ككابل، لكن دايماً في كل فيلم كنت بكتشف قد إيه هو دقيق وشغله متقن جداً، مفيش حاجة في شغله بتيجي صدفة، كل تفصيلة بيهتم بيها وبيراجعها كويس جداً، وده اللي بيخلي شغله دايماً ناجح ومميز".

وأضافت لبلبة: "أنا ببقى مبسوطة وأنا بشتغل معاه، وبحس بالأمان الفني، لأن كل مشهد بيتصور بعد ما يعدي بمراحل طويلة من التحضير والتدقيق، ومهما اشتغلت مع ناس تانية، دايماً مع عادل إمام بيكون الشغل له طعم مختلف".

وأشادت النجمة لبلبة بشخصية الزعيم عادل إمام خارج الكاميرا، حيث قالت: "إنه شخص رائع للغاية عمره ما حسد أو غار من زميل، بالعكس، كان دايماً بيشجع اللي حواليه وبيساعدهم يظهروا ويتألقوا، حسيت بده معايا ومع كتير من النجوم اللي اشتغلوا معاه".

للمزيد تابع

خليجيون نيوز على: فيسبوك | إكس | يوتيوب | إنستغرام | تيك توك